Arv

Arvingar kan vere slektningar og ektefelle som har arverett etter avlidne, eller personar som avlidne sjølv har peikt ut i testamentet sitt. Sambuarar med felles barn har ein avgrensa rett til uskifte og ein avgrensa rett til arv. I arvespørsmål skil ein mellom slektningar og ektefelle.

Visste du at

... nye reglar i arvelova gjev sambuarar med felles barn ein avgrensa rett til arv og uskifte?

Frå 1. juli 2009 får sambuarar med felles barn ein avgrensa rett til uskifte og ein avgrensa rett til arv. Å sitje i uskifte vil seie at den attlevende får ein bruksrett til eigendelar som mellom anna felles bustad og innbu.

Les om rett til arv og uskifte og spørsmål og svar for sambuarar på nettsidene til Justis- og politidepartementet.