Pass og legitimasjon

Norsk pass er einaste gyldige legitimasjon for norske borgarar. For å reise utanfor Norden må du ha med gyldig norsk pass, også på reiser til land som er med Schengen-samarbeidet. Du treng passet som legitimasjon ved overnatting, banktenester og liknande. Flyselskap krev gyldig pass på utanlandsflygingar, nokre også på reiser innanfor Norden. I Schengen-området må passet som hovudregel vere gyldig 3 månader etter heimkomst.

Visste du at

... for å få innreise til enkelte land må passet ditt vere gyldig i 6 månader etter heimreise?

Dette gjeld mellom anna for innreise til Thailand, Malaysia, Filippinene og Singapore. Ver merksam på at kravet om at passet må vere gyldig i seks månader i tillegg til oppholdstida også gjeld for transit via desse landa. Les meir om dette på landsidene til Utanriksdepartementet, www.landsider.no. Dei fleste landa har krav om at passet må vere gyldig i tre månader i tillegg til opphaldstida.